කටේ කිරි සුවඳ යන්නට පවා බැරි වුණා | kate kiri suwanda yannata pawa bari una

කටේ කිරි සුවඳ යන්නද බැරි වුණා
යුදට උපන් කුමරා යැයි පතළ වුණා

කටේ කිරි සුවඳ යන්නට පවා බැරි වුණා
යුදට උපන් කුමරා යැයි නමක්‌ ඇති වුණා

මුල්ලෙරියා වෙලෙහි වතුර ලෙයට හැරවුණා
ටිකිරි කුමරු රාජසිංහ නමින් රජ වුණා

නිතරැ නිතරැ සීතාවක රණ බෙර නැඟුණා
කොළඹ කොටුවෙ බළල් මසුත් ගිනි ගණන් වුණා
පරංගි දේසේ රජුටත් මර උණ ගැනුණා
රාජසිංහ දෙවි නාමේ ලොවේ රජ වුණා

රුසිරු පෙතංගොඩ උයනට අනේ ළං වුණා
නපුරු උණ කටුව පතුලේ ඇනී වණ වුණා
එක්‌ වැ සිටි සැවොම මතුරා විස ද වැඩි වුණා
රාජ සිංහ දෙවි නාමේත් ගියා නැති වුණා

ගායනාව : ධර්මදාස වල්පොළ 

පද රචනය : අරිසෙන් අහුබුදු 

චිත්‍රපටය : සංදේශය (1960)